Followers: Layan Terus . . .

My LB Adds

31.1.11

Klinik 1 Malaysia di Padawan batu 10 - Info net lain



KUCHING: Klinik 1Malaysia ba Kota Padawan udah berengkah bejalaika pengawa kena 6 Januari tu tadi.
Klinik tu bepalan ba Lorong 10 Kota Padawan berimbai enggau Sekolah Jenis Kebangsaan (SJK) Chung Hua Batu 10.
Taja pia enda mayuh orang nemu pasal klinik tu sebedau dipadahka Menteri Muda ba Opis Kepala Menteri Tan Joo Phoi kemari.
Nitihka penerang ari indu misi, klinik tu berengkah bejalaika pengawa kena 5 Januari lalu nyentukka hari Dua (18 Januari) tu tadi klinik tu udah nerima 276 iku pesakit.
“Sepengudah klinik tu berengkah dibuka, kami nerima urung 20 iku pesakit dalam kandang sehari,” ku iya lebuh dikerandau pemberita ba klinik nya kemari.
Iya madahka, klinik tu dibuka berengkah ari jam 10 pagi nyentukka 10 malam nyengkaum maya kemisi, lalu 20 iku pengereja pengawa enggau empat iku derisa tauka pemantu perubat (MA) ti bejalaika pengawa.
“Klinik tu dibuka ninting hari nyengkaum maya kemisi berengkah jam 10 pagi ngagai 10 malam, pengereja pengawa nyengkaum pemantu perubat bisi bejalaika pengawa nitihka syif sida,” ku iya.
Entara servis ti disediaka ba klinik tu iya nya peresa mit, pendispensan ubat, servis makmal sereta ngubat dulu pesakit ti udu sebedau dianjung ngagai sepital.
Nitihka indu misi nya, Sapit Menteri Datuk Yong Khoon Seng enggau Tan Joo Phui dipelabaka ngabas klinik tu saritu (20 Januari).

Rumusan :
  • Dibuka dari 10am - 10 pm
  • Termasuk waktu cuti

No comments:

Post a Comment

Related Posts Plugin for WordPress, Blogger...